Popular Bible Verses from MARKUS 6

Share

Lamon nihan ulun sai ratong rik mik, sehingga untuk mengan pun Isa rik jelma-jelma sai nutuk Ia mak sempat. Ulihni seno Isa cawa jama jelma-jelma sai nutuk Ia, “Ijado ram mik rang sai mangi, di dipa ram dapok tenggalan rik keti dapok istirahat serebok.”

Raduni Isa cawa jama tian, “Sai nabi dihormati di dipa-dipa, kecuali di pekonni, rik di hantara puari-puarini rik keluargani.”

Waktu Isa regah jak jukung, Ia ngeliak ulun lamon. Ia kesian jama tian, mani tian injuk biri-biri sai mak ngedok gembala. Maka Ia pun mulai ngajar lamon hal jama tian.

Di rang udi Isa mak dapok nyani suatu keajaiban pun, kecuali ngunyaiko pira-pira jelma meruyuh jama ngepikko culuk-Ni di atas tian. Ia hiran tian mak percaya. Kak raduni Isa mik di pekon-pekon di sekitar udi, rik ngajar.

Kak raduni Isa ngakuk lima ruti rik rua iwa udi, raduni nengadah mik langit rik ngucapko terima kasih jama Allah. Radu jak seno, Ia ngebelah-belah ruti ano jama culuk-Ni rik ngeniko jama jelma-jelma sai nutuk Ia untuk dibagi-bagiko jama ulun lamon udi. Rik rua iwa udi dibagi-bagiko juga jama tian sunyinni. Tian mengan sampai betong. Raduni lebihni kanikan udi dikumpulko ulih jelma sai nutuk Isa – sunyinni wat rua belas bakul latap.