Popular Bible Verses from LUKAS 10

Share

Osumbu'mo! Komiu binee'ankumo kuasa da komiu timbali mompeja' ulo tiba beyua' ka' mompato'i iwi-iwi' na kahosonan nu sampo bali', tiba madi' ko apa-apaa na anu timbali monsilakai komiu.

“Marta, Marta!” tinaaman nu Tumpu. “Beleyum bata-bata ka' tasiaga mompopikilakon, aiya ka' aijo', padahan anu penting ola sa'angu'. Ka' i Maria nompile'imo anu ma'ima', anu madi'mo timbali o ala aijo' hi ia.”

Mian aijo' nontaami, “ ‘Kalibosi na Tumpu-Um nu kinyonyoaum iwi-iwi', ka' totu-totu'u na santuu'um, ka' kahosonanum, tiba iwi-iwi' na kapandeanum,’ tiba ‘Kalibosi na sangko kita mian, sumo beleyum mongkalibosi posi butongum.’ ”

“Hasin anu tionyo o padak manjoo',” tukoo-Nyo hi aha, “panyo mian anu mokalaja mompadak ola sangkiding. Kalana aijo' poita hi tumpu nu ale' da Ia monsai mae mian anu mompadak hasin nu sosu'anon-Nyo.

Lapas aijo', sisikon aijo' pinopupus i Yesus nu pompokilawa aiya, “Aha anu toto-totolu' na mian aijo', iya na anu mingkona i pikilanum anu ko usaha i sangko mian, hi mian anu tinumbuhanmo nu tololang aijo'?” Gulu' agama anu pinokilawa aijo' nontaami, “Mian anu nontulungimo mian aijo',” “Yo, lako'mo ka' baumo suele sumo aijo'!” na koonyo i Yesus.

Yo, lako'mo! Aku monsai komiu sumo domba i totonga'nu serigala.