Popular Bible Verses from LUKAS 23

Share

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

“Palesayamo,” na koonyo i Yesus hi ia, “Sinaa aiya beleyum hingga-hinggatmo ka' Aku i Firdaus.”

Lantas ia notatae, “Yesus, inau' mae na aku, de Kita po'ule'mo tokamo mae sumo Tomundo!”

Lantas i Yesus noloboo' hoso-hoson, “Tuuma! I uno nu limanto Kusimpalakonmo na butong-Ku!” Noko potatae sumo aijo' ia sinilakamo.

Salatan tinoka i tampat anu osanggohi, “Popoke',” aha nomposalibmo i Yesus ka' ua'aha na mian ma'idek aijo' – samian i sasu koanan ka' samian mule' i sasu kewe' i Yesus.

Kila-kila jammo sampulu' ka' ohua' sonsu'unmo na sinaa, batu nu sinaa madi'mo najingka, ka' songko-songko na lipu' aijo' pinikatmo hondo sinangkut jam totolu' mamalom. Lalanse' anu kala-kalayo' i Laigan nu Tumpu nobeakmo tinimbali ohua'.

Salatan tinoa nu kapala nu suludadu apaa na anu tinimbalimo aijo', ia nompuji'mo Tumpu. Lantas ia notataemo, “Totu-totu'u, Ia madi' ko sala'nyo!”