Popular Bible Verses from KALOWARAN 15

Share

Dhabuna PANGERAN, “Mon ba'na ngestowagi Tang oca' epagu-onggu ban ajalannagi sabarang se bi' Sengko' eanggep becce', sarta atoro' ka sakabbinna Tang parenta, bi' Sengko' ba'na ta' eokoma ban panyaket akantha se epakenneng ka oreng Messer rowa. Sabab Sengko' reya PANGERAN se mabaras ba'na.”

PANGERAN reya tang kakowadan; se apareng kasalameddan. PANGERAN reya tang Allah, se esemba tang bangatowa, sengko' anyanyeya mojiya kaagunganna.

Allah se ka'imma se nandhinge Junandalem, Guste, PANGERAN Se Mahamolja sareng socce? Pasera se oneng mabadha kaajiban sareng lalakon se kasohor tadha' bandhinganna akadi Junandalem, Guste?

Bangsa se epasalamet sareng Junandalem ka'dhinto, terros etonton kalaban taresna sareng esto, sabab Junandalem neptebbi janji se ampon edhabuwagi. Kalaban kakowadan se raja reng-oreng gapaneka sareng Junandalem elindhunge sarta etonton ka tanana Junandalem se socce.

Saellana jareya reng-oreng Isra'il pas napa' ka kennengngan se anyama Mara, e jadhiya badha aengnga, tape aengnga ta' ekenneng enom, polana ce' pae'na. Daddi kennengngan jareya enyamae Mara, artena pae'. Oreng Isra'il aseddhiyan ka Mosa, oca'na, “Marena pas ponapa se eenoma kaula?” Mosa adu'a epagu-onggu, nyo'on ka PANGERAN. PANGERAN pas noduwagi kaju ka Mosa. Bi' Mosa kaju jareya eontallagi ka dhalem aeng gella'; aengnga laju tabar, ekenneng enom. E kennengngan jareya PANGERAN marengngagi kom-hokomma ka reng-oreng Isra'il, se kodu etoro' ban ejalannagi. E jadhiya PANGERAN nyoba' kaestowanna oreng Isra'il jareya.