Popular Bible Verses from KALOWARAN 2

Share

E bakto meyarsa serrona reng-oreng Isra'il jareya, Allah emot ka janjina ka Ibrahim, Ishak ban Yakub. Allah ngoladi oreng Isra'il se ekadunor jareya, laju motossagi nolonga reng-oreng jareya.

Saellana olle pan-barampan taon dhari jareya, rato Messer seda, tape bangsa Isra'il gi' paggun terros ekadunor, daddi padha aserrowan menta tolong, ban Allah meyarsa serrona reng-oreng jareya.

Saellana abak raja, kana' jareya pas eaterragi ka pottrena rato. Bi' pottre pas epondhut ana', sarta pas enyamae Mosa. Ca'na panggaliyanna polana ollena ngangkes dhari dhalem aeng.

Dhabuna pottre ka babine' jareya, “Giba babaji' reya, sosowe ban rabaddagi. Bi' sengko' ba'na eopa'ana.” Daddi bi' babine' jareya babaji'na egiba, laju esosowe sarta erabat.

Kabendherran pottrena rato meyos ka songay jareya, aserama. Bu' embanna padha anante' sambi lan-jalanan e penggirra songay. O-tao pottre gella' ngoladi badha karanjang tasangsang e ba-rebba. Pottre jareya laju nembali bu' embanna, epakon ngala' karanjang jareya.

Saellana dibasa, Mosa laju manggi'i reng-oreng sabangsana. Mosa ngoladi ja' bangsana, iya areya bangsa Yahudi, epaksa alako berra'. E settong are Mosa ngoladi badha oreng Messer mate'e oreng Yahudi. Mosa ngas-balingasan ka kangan ka kacer; saellana ngoladi ja' tadha' oreng se nangale'e, oreng Messer gella' pas epate'e. Mayyidda ebendhem e dhalem beddhi.