Popular Bible Verses from KALOWARAN 32

Share

E bakto bangsa Isra'il nangale ja' Mosa ce' abidda ta' gellem toron dhari gunong, kabbi laju padha agaribbung e seddi'na Harun, pas ngoca' kantha reya, “Ba' badha ponapa ba'nengan, me' Mosa se mimpin bangsa kaula kalowar dhari Messer ka'issa' tadha' abali; daddi tore kaula sadaja badhiyagi illah me' olle bangsa kaula paneka badha se mimpin.”

Dhabuna PANGERAN ka Mosa, “Kassa' ba'na duli toron abali ka kennengnganna, sabab Tang ommat se bi' ba'na egiba kalowar dhari Messer rowa alako jahat. Reng-oreng jareya la ta' endha' atoro' ka Tang parenta; agabay pe-sapeyan dhari emmas se elejjur; pe-sapeyan jareya esemba ban engeba'agi ban-kurban. Pe-sapeyan emmas jareya eako allahna se nolong makalowar aba'na dhari nagara Messer.

Harun pas maddek mezba e adha'anna pe-sapeyan emmas jareya, pas adhabu, “Lagguna badha paraya'an kaangguy abakte ka PANGERAN.” Kalagguwanna gu-laggu reng-oreng Isra'il ngeba ban-keban se egabaya kurban obbaran ban se egabaya kurban salameddan. Reng-oreng jareya pas ju'-toju' kan-ngakan ban nom-ngenoman, saellana pas padha jaga neng-sennengngan.

Kalagguwanna Mosa adhabu ka reng-oreng Isra'il, “Ba'na padha ngalakone dusa se ce' rajana. Tape sateya sengko' ongga'a ka gunong pole ngadhebba PANGERAN; pola sengko' me' olle nyo'onnagi sopaja dusana ba'na jareya esapora'a.”