Popular Bible Verses from KADADDIYAN 21

Share

PANGERAN aberkadi Sara, noro' janjina se edhabuwagi ka Ibrahim.

Allah meyarsa tangessa Isma'il. Dhari langnge' laju badha malaekadda Allah adhabu ka Hagar, “Apa se ekasossa ba'na, Hagar? Ella, ja' tako'. Allah la meyarsa sowarana ana'na ba'na. Kassa' entare ana'na, emban padhiyem. Sabab toronanna ana'na ba'na jareya bakal daddiya bangsa se raja.”

Sara bubut, pas babar lalake' e bakto Ibrahim la seppo. Kana' jareya lahir e are ban baja se edhabuwagi Allah ka Ibrahim.

Dhabuna Sara, “Allah la apareng kagumbira'an ka sengko' sampe' sengko' bisa agella'. Reng-oreng se ngedhing kabar reya tanto noro' gumbira ban agella' keya.”

Tape Allah adhabu ka Ibrahim, “Ba'na ta' osa rekong mekkere Hagar dunorra ba'na ban ana'na jareya. Torodi apa oca'na Sara jareya, sabab toronan se ejanjiyagi Sengko' ka ba'na bakal lahira dhari Ishak.

Tape ana'na dunor jareya bi' Sengko' eberri'ana na' poto se bannya' keya, se daddiya settong bangsa. Sabab ana'na dunor jareya ana'na ba'na keya.”