Popular Bible Verses from KADADDIYAN 49

Share

Yehuda bakal neggu'a tongkedda karaja'an, na' potona bakal marenta'a salanjangnga. Sa-bangsa bakal majara pajek ka nagarana sarta asojud mator sandika e adha'anna.

Yusup padha ban hemar se gi' ngodha e seddi'na somberra aeng, padha ban hemar alas se ka'-berka' e lambungnga gunong. Bi' mosona eserrang ce' kejjemma, eserser ngangguy gandhiba ban pana.

Tape gandhibana Yusup paggun ce' kokona, lengngenna kowat parana, polana partolonganna Allah Se Mahakobasa, Allah se esemba Yakub, se ajaga ban se nolonge Isra'il salanjangnga. Se nolonge ba'na Allah se esemba eppa'na, Allah Se Mahakobasa se aberkadi ba'na, se apareng ojan dhari langnge' ban aeng dhari dhalem bume, se apareng ebin ban dhu'-budhu'na.

Yehuda, ba'na bakal ealemma bi' tan-taretanna, ba'na nyekkella le'erra so-mosona, tan-taretanna ba'na bakal asojuda kabbi ka ba'na. Yehuda padha bi' macan se mate'e mosona, laju abali ka rongkangnga; akaleya' laju marobbu tedhunga, tadha' oreng se bangala ca-nganca.

Ruben, tang ana' se sareyang, ba'na reya tang kakowadan, ana' se dha'-adha' ollena sengko' menangka oreng lake'. Ba'na se paleng gaga' ban se paleng kowat e antarana tang na'-ana'. Ba'na padha ban banjir raja, tape ba'na ta' bakal daddiya se paleng penting, sabab ba'na tedhung ban tang seller, macemmer katedhunganna eppa'na.