Popular Bible Verses from LUKAS 10

Share

Ba'na ebala'ana, ya! Bi' Sengko' ba'na la eberri'i kobasa sopaja ba'na bisa'a nedda' olar ban kalajengking sarta motel kakowadanna moso ta' kalaban badha apa'a bai se bisa macalaka' ba'na.

“Marta, Marta!” ca'na dhabuna Isa, “ba'na ce' repodda mekkere barang acem-macem; mangkana se parlo sanyatana pera' settong. Ban se epele Miriyam se bagus, se ta' kera ekala' pole dhari aba'na.”

Oreng jareya mator, “ ‘Taresnae Guste Allahna ba'na sampe' ka dhalem atena, sampe' nyarepsep ka sokmana, kalaban ngettokkagi kakowadanna ban ngettokkagi akkalla,’ sareng ‘taresnae sasamana ba'na akantha kataresna'anna ba'na ka aba'na dibi'.’ ”

Ca'na dhabuna ka red-moredda jareya, “Hasel se eanyeya ce' bannya'na, tape oreng se anyeya pera' sakone'. Daddi mara nyo'on ka se kaagungan teggal me' olle ekereme oreng se anyeya hasella tamennanna.

Saellana mare se acareta, Isa adhabu, “Dhari oreng se katello jareya, noro' panemmona ba'na se kemma se lalakonna noduwagi ja' aba'na sasamana oreng se ebigal jarowa?” Guru agama se etanyae jareya nyaot, “Oreng se apareng partolongan ka'dhissa'.” “Mon kantha jareya, kassa' lakone kantha jareya keya!” ca'na dhabuna Isa.

Kassa' la kat-mangkat! Ba'na bi' Sengko' eotos akantha dumba ka nga'-tengnga'anna pate' alas.