Popular Bible Verses from LUKAS 15

Share

Daddi kana' jareya laju jaga sarta mangkat mole ka eppa'na. Kana' jareya gi' jau dhari bengkona, la etangale'e bi' eppa'na. Eppa'na arassa ce' neserra, daddi laju berka' nyander ka ana'na; ana'na laju egellu' ban ekaloskos.

Sabab tang ana' reya la mate, sateya odhi' pole; tang ana' reya la elang, sateya etemmo pole.’ Daddi reng-oreng e jadhiya kabbi padha apesta.

Bariya keya e sowarga, kagumbira'an se ekarassa polana settong oreng dusa se atobat alebbiyan dhari gumbirana polana sangang polo sanga' oreng se la pajat bagus ban ta' parlo atobat.”

Sateya sengko' mangkada entara ka eppa', sengko' ngoca'a kantha reya: Pa', kaula dusa ka Allah sareng ka sampeyan.

‘Pa',’ ca'na kana' jareya, ‘kaula ampon dusa ka Allah sareng ka sampeyan. Kaula ta' pantes esebbut Pottrana sampeyan.’

“Saompamana e antarana ba'na badha se andhi' dumba saratos meggi', ban dumbana jareya laju elang settong – ba' baramma'a kerana ba'na? Tanto dumbana se sangang polo sanga' edina'agi e talon, ban ba'na pas entar nyare se elang sampe' etemmo.