Popular Bible Verses from LUKAS 23

Share

Isa laju adu'a, “Rama, parenge sapora reng-oreng ka'dhinto'! Sabab reng-oreng gapaneka padha ta' oneng ponapa se elakone aba'na.” Rasoganna Isa egi-bagi, elottre e antarana reng-oreng se alalakon e jadhiya.

“Paparcaja ba'na, ya,” dhabuna Isa ka oreng jareya, “e are teya keya ba'na bakal akompola bi' Sengko' e Firdaus.”

Saellana jareya panjahat jareya laju ngoca', “Isa, kaemodi abdina, manabi Panjennengngan rabu menangka Rato!”

Isa laju aera' epakaja, “Rama! Abdidalem massra'agi aba' Abdidalem ka Junandalem!” Samarena adhabu kantha jareya Isa laju seda.

Sanapa'na ka kennengngan se enyamae “Galunthonganna Cethak”, Isa ban panjahat se kadhuwa jareya laju padha esalib; panjahat se settong esaba' e kanganna, settonganna esaba' e kacerra Isa.

Ra-kera pokol dhubellas e baja beddhuk are ta' nyonar, sanagara ce' pettengnga sampe' pokol tello' asar. Bir-tabir se agantong e Padalemman Socce sebbit madhuwa.

E bakto nangale'e kadaddiyan jareya, parwirana pasukan laju amolja'agi Allah, sarta ngoca', “Oreng reya ta' sala onggu!”