Popular Bible Verses from PA'JARIANG 22

Share

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

Appialimi Abraham angkana, “KalenNa Allata'ala lampasadiai anjo ana' gimbalaka.” Nampa napatulusu' lampana ke'nanga.

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga. Sikontu bansaya ri lino lanapalaki ri kau sollanna Kubarakkaki ke'nanga, sangkamma Kubarakkakinna turungannu, lanri mannurukinnu ri parentaKu.”

Siapa are wattu ribokoanganna Naso'rimi Allata'ala kajarrekanna tappa'na Abraham. Nakio'mi Allata'ala anjo Abraham angkana, “Abraham!” Appialimi Abraham angkana, “Iye' Batara.”

Mingka akkio'mi malaeka'Na Batara battu ri langika mae ri ia angkana, “Abraham, Abraham!” Appialimi Abraham angkana, “Iye' Batara!”

Sikalipi pole akkio' malaeka'Na Batara battu ri langika mae ri Abraham, angkana, “Nakana Batara: AssumpA' lanri areng KalengKu, lanri nugaukanna anne kammaya siagang tena nanutollaki untu' ampassareangi anjo ana' sitau-taunu mae ri Nakke

Battui ke'nanga mange ri anjo tampa' le'baka Napau Allata'ala ri Abraham, ambangummi se're tampa' pakkoro'bangngang siagang napa'lonjo'mi anjo kayu tunuanga irateanganna. Nampa nasikko' anjo ana'na siagang napara'ba ri anjo tampa' pakkoro'bangnganga, ri tompo'na anjo kayu tunuanga.