Popular Bible Verses from PA'JARIANG 25

Share

Nakanamo Batara ri ia, “Nia' rua bansa lalang ri battannu; lallassukangko rua bansa lasimusu; kassakangngangi andi'na na daenna ia toaya la'jari palayang mae ri bungkoa.”

Nakanamo ri Yakub, “Teai sipato' cipurukku. Saresa' sike'de' anjo campe' ejaya.” (Iaminjo saba'na naniareng Edom.)

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

Nakanamo Esau, “Talakujampangi anjo ha' kammaya ri kalengku. Kamma lamatea' kusa'ring napakamma cipuru'!” Nakanamo pole Yakub, “Assumpamako rolong angkanaya nupassareammi anjo ha'nu mae ri nakke.” Assumpami Esau nampa napassareang anjo ha'na mae ri Yakub.

Ri wattunna nilassukang ana' makaruaya, limanna anna'galaki ri kacunu' bangkenna Esau. Iaminjo saba'na naniareng Yakub. Annampulo taung umuru'na Ishak, wattu lassu'na ke'nanga.

Ishak la'bi nangaiangngangi Esau, lanri nangaina Ishak angnganre dageng nisosoka. Mingka Ribka la'bi nangaiangngangi Yakub.