Popular Bible Verses from MARKUS 13

Share

Naun sagar nakuar daya ulun katuluh daya gana naun ulun sa umba aku. Kude ulun sa batahan hampe pijumpuhanni, sagar nasalamat.”

Jari naun harus bajaga nelang hati-hati, daya naun puang karasa hantamian wayahni.

Nelang amun naun najamba palus nainsing ma pangadilan, ada gaer neu inun sa harus napantane naun. Amun haut hampe wayahni neu bapaner, antuh inun sa nawara ma naun hang tawukni naun bapaner. Daya kawan lengan sa naantuh naun yiru puang lengan naun raerai, malengkan hawi teka Roh Alatalla.

Langit anri tane sagar wawai mahinam, kude lenganku tatap hampe kalalawahni.”

“Biar kala yiru, puang sunah erang kaulun karasa hantamian anrauni atawa hantamian jamni. Kawan malekat hang surga pada puang karasa kala yiru pada Anak, ekat Ambah sa karasa.

Amun naun karengei kawan lengan ulun babur nelang kawan kabar paparangan, ada takut. Katantuluh yiru harus jari, kude yiru puang baarati wayahni kiamat haut hampe.

Daya yiru naun harus bajaga, daya naun puang karasa hantamian ampun lewu yiru sagar hawi-tau kariwe anrau, tau pada penah malem, tau pada tawuk subuh, atawa tau pada hang tawuk matei anrau hulet. Amun hanye hawi nyalenga, ada hampe hanye kasasat naun ganjah manre. Inun sa naeauku yiti ma naun, naeauku pada ma katuluh ulun: ware naun bajaga!”

Bangsa saisa sagar babur nawan bangsa sa lain. Nagara saisa sagar manyarang nagara sa lain. Hang awe-awe sagar naan gempa bumi, naan juju-lau. Katuluhni yiru wau panukuanni, kala hanang sa naingkam daya erang kaulun wawei tawuk kai bagenda.

Kabar Maeh teka Alatalla yiru musti nawara dahulu ma katuluh bangsa.

Rama ulun sagar hawi makai ngaranku nelang kaeau, ‘Aku yiti Yesus!’ balalu nipu rama ulun.

Naun harus hati-hati, daya naun sagar najamba palus nainsing ma kawan pangadilan. Naun sagar naweweh hang kawan lewu sumbayang. Naun sagar nainsing mangadap kawan panguasa anri kawan raja daya gana naun ulun sa umba aku. Kude yiru kasampatan ma naun umak ngami kasaksian neu aku ma here.

Daya kawan panyalamat palasu anri kawan nabi palasu sagar hawi. Here sagar ngulah kawan pagawian luar biasa anri kawan kaajaiban umak nipu amun tau nipu, ulun wat Alatalla pada.

“Udi wayah kasusahen yiru, mate anrau sagar jari maieng, nelang wulan puang lagi basahaya. Kawan wawahiang sagar lawu teka langit, nelang kawan panguasa hang langit sagar jari kacau-balau.