Popular Bible Verses from YOANES 14

Share

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

Yuruk, Yesus-nen yosolar-e: ”Kit kinndi kabak yili-ge meyog-o. Kinndi-ge Mbal Pem Nagawan ebem angin tubu yogolar-e, an nebem na kinndi angin tubu yer-o.

Alat nde, Yongga Kundurak Nap iri-ge an nunu bem an Neid-nen wirik ibil lobok yuwa Konak Indi na-nen-e yi mende ndi mende pidsa mirik konposolat, an-nen yak kindidnak wene pidsa yeberak konposolat ma-o.

An-nen yidnak yidnak nak wanuruk, irit kwaruwa nab-e, an nabuwa kaso nab-e irir-o. Nde, an Neid-nen-e an nabuwa kasu nap na abuwa kujwa-o. An-nen na at abuwa kasolat, an-net an mirik obosolat yimin-o” luk yij-o.

Nde, an-nen Neid nggi yak tumu-ge, kit kinmin pem-et woralik nalik makluk, Yongga Kundurak Nap mbi wok kunduwa-o. Konak Indi iri-ge ndemeret Mbal Pem Nagawan Mirik Konposo irit wok kunduwa-o. Nde, nggweyak ma nap-nen at kagolat, enaru yogolat yurak meya me, at wok uburag-e meya-o. Alat nde, ar-e kit kinmin worasolat, kit kenarem worasolat yusu me, ar-e kir-e kenaru-o.

Nde, an nebem-nen Neid kek tak puwakluk, an nunu bem kit-nen nggi yugub mende-ge pidsa kwat kinpimin-o. Nde, kit-nen-e an nunu bem yi mende ndi mende nggi yak norogola-ge, obok kwat kinpimin-o” luk yij-o.

Yurug-e, ”Kit-nen nde an nabuwa kagolar-e, an-nen yidnak yidnak nak kwarogolat wolmer-o.

An Neid ama-ge wolmomtak sa-ge kwarat worasu me, an-e kit kondoro konil mburusu-o. Wene yu-ge ebe lak yurak nggal-e, an-e yak kendelep pug-o.

Nde, an mbirimindik, kit kondoro kona keya buruk, an woramin sa iri me kit na iri me-t worabokluk, tuguruk kit wok kinpil lobok yimin-o.

Yosoloma-ge, Tomas-nen Yesus yak tosolar-e: ”Nagawan Indo wa-e. Kat mburugun sa nir-e nenaru buk me, nggesa-nen iri me mbururak tula-ge nenaru mul-o?” luk yak tij-o.