Popular Bible Verses from YOANES 19

Share

Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk anggul wandu yidnggal-e, indisep worok yij-o.

Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.

Worakmu-ge Yesus-nen at ija min at imin noso nap indi kundik na min iri me mendak woragola eneyaruk, at-nen at ija yak tosolar-e: ”Niya-o kat kambara-ge irir-o” luk yak tij-o. Yak turuk, Yesus-nen at imin noso nap na yak tosolar-e: ”Kat kiya-ge irir-o” luk yak tij-o. Yak tosola, ereya na-net Yesus imin noso nap na-nen kwe na at ama wolmakluk, imin tak pij-o.

Alat nde, Yesus na eram mbirigarik, piriganggal, ar-e abu wat yidnak ala karuk, at owag-e kaligit lag-o. Nde, san winde misik-nen-e tege Yesus araptap arem mon kasoloma, ereya na-net eyabi min yi min wagaij-o.

Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o. Nde, Mbal Pem Nagawan engga bem mbaridnak wene misik-nen yosolar-e: ”It-nen tege bem mon kaidnak nap iri na-t kujwa-o” luk yidnak worasu-o.

Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.)

San winde-nen-e isile worak mende kago wosa wurik nggal kwasa at anggulwak pem piga-o. Iri luk, sum mimi mot mbi yirik puruk