Popular Bible Verses from LUKAS 17

Share

Yurug-e,Yesus-nen ap na yak tosolar-e: ”Men luk mbiri-o. Kindi angin tubu yigen iri-nen ki rak kibij-o” luk yak tij-o.

O misik pem nag-et nde kanggam-nen nde tuju bem-et meya rak kuburuk, tuju bemet kat keram lobok yosolat-nen ’Nab-o. Kat kimin meya yigi-o’ luk yosola-ge, at meya yidnak kamberam tak purag-o” luk yak indij-o.

Alama-ge, it ennggendumu-nen ap misik na at ebem mbidnak ud na lak yidnak karug-e, nden karuk ijok lem lobok yosolar-e, ene nggulok pem-et Mbal Pem Nagawan erembel wil wil lobok yij-o. Lobok luk, Yesus ijok eralu mbud lug-e, wiwa-o kwarat yak tij-o. Nde, ap iri-ge Samaria nap-nen kwarij-o.

Kir-e kwil kwalsa wolmer-o. Kat kowe kowot mbi meya yosola-ge, ’Iri nggal kwarurak pug-o’ luk yak turag-o. Nde, at na kondok yosola-ge, at meya yidnak kamberam tak purag-o.

Iri ala-ge, Yesus-nen yosolar-e: ”Ab-e sepulu ki rak inpigi-t nde, enpe sembilan-e ngge me worali-o?

Yogolikma-ge, Nagawan Indo-nen yosolar-e: ”Kit kinndi angin tubu yidnak nde sawi uwi kubuk lan iri nggal woragolat-nen nde, e wariya yu yak togolar-e: ’Kar-e konoksa yi koma arem yak yil mbiri-o’ yak togola-ge, kit-nen yak tugup iri nggal-et kwaruwa-o” luk yij-o.

Indi abuwa nggok tak puwa nab-e lak ma-o. Nde, ta-nen nde at indi abuwa lak tak posola-ge, urug-et wolma-o.

Yesus-nen at owosirak yak ondosolar-e: ”Meya yuwakluk ap enarem woraga pil nggurak mende lak ma-ge lag-o. Irit pempa kwarogolat wolma-o. Alat nde, nin nap meya rak inpili nap enpem mbuma mende bem enabuwa-o! Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

Nde, Nu worala tarem-nen kwariga nggal-et, Ap Ambara an lobok yurak tarem-e iri nggal-et kwat ma-o. It pidsa-nen nunggwi mende min yi min nonggolat, kwe wok kerak mbogolat kwat tenak worakmu, Nu na o iri na arem nggosola-ge, yi wasolar-e, it pidsa lak tak inpij-o.