Popular Bible Verses from LUKAS 5

Share

Wene mul ondosolug-e, Yesus-nen Simon yak tosolar-e: ”E koma yu-ge yi koma enggendumu nggal pil li-o. Pil larug-e, keyane wanonok-nen keyane wanoso kusum-e yi ma mberak pi-o” luk yak tij-o.

Yak tosoloma-ge, Simon-nen yosolar-e: ”Mul Nondoso Nap wa-e. Nir-e yawo kubu kore yik tenak o nenpem nda yij-et nde, misiget ter-o luk wanigit lag-et nde, kat-nen: ’Tugurug-et mberak pi-o’ luk yak norosola me, mberak pimin-o” luk yij-o. Yurug-e, keyane wanugwi sum na mberak pigarik, keyane kwarat sum na arem kobong yosolar-e, sum na ndelep yekluk yij-o.

Nde, Yesus na-ge ap unsune lak ma arikmu mberarik, tepan yij-o.

An-e konak nap wene mbo enpeyekluk lobok yigit lag-o. Are, meya yugwi iri na it meya yidnak keya buruk, kondok makluk wene mbo enpeyekluk lobok yigi-o” luk yij-o.

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

Yogolikma-ge, Yesus-nen it yak ondosolar-e: ”Ap ki-nen-e ndoktet ukwe-ge lag-o. Alat nde, kugi worak nap-nen perak nde ndoktet ukwe-o.

Yak tosoloma-ge, ir-e ene koma ya na lesa wesu bem puruk, it enarengge oboksa yumbuk kuruk, Yesus imin mbiriga-o.

Misik tarem-e Yesus na o siri mbi me woragaij-o. Nde, o iri na me-ge ap mbi ebem ndigiril laso mbijap-nen yela keya bidnak irit woragaij-o. Nde, ap na-nen Yesus karug-e, at eralu tud luk-nen at emengen mbarosolar-e: ”Nap wa-e. Kat-nen nde an ambut tak nuburak perasolar-e, iri kwat nuburag-e ndak-nen yusu-o!” luk yij-o. Yosoloma-ge, Yesus na inggi ap yu na ebem posolat-nen yosolar-e: ”An-e ambut tak kuburag-e nindingen-o. Ki min-o” luk yosoloma-ge, ereya na-net ndigiril laso mbijap na lak agaij-o.

Alat nde, Yesus-nen kwaridnak wene na nggok ma wigak yil mborosolar-e, ab-e kwarat lombok at-nen yidnak wene kulurak pem-nen na, it kugi worak woraidnak ki rak unpurak pem-nen na at eram lobok yugwi komo woraiga-o.