Popular Bible Verses from LUKAS 9

Share

Iri luk, Yesus-nen it pidsa yak ondosolar-e: ”Ta-nen nde an nimbirik nurak perasolar-e, at-nen nggok tak poso mende pidsa keya buruk, at-nen idnak e lang pang tak na pempa-n kud turuk, an nimbirik nosolat wolmag-o.

At uruk wolmomtak iri na nggok tak pusu nab-e at uruk wolmomtak iri na lak tak pusu-o. Nde, an nebem ala, at indi abuwa lak tak pusu nab-e uruk wolma-o.

Yosoloma-ge, Yesus-nen at yak tosolar-e: ”Ap-nen yabu tel kereyekluk, kagweyap sindik nak puruk, imbirik nggwe yik karok wolma nab-e, Mbal Pem Nagawan ilirak kwat momtag-e meya-o” luk yij-o.

Ap-nen-e nggweyak ma yu me pidsa winde ma-t nde, at ambik indi pul tak posola-ge, no nde lesa wanuwa-o?

Ta-nen nde an min an-nen yidnak wene min yurak inggiri pasiyem tak puwa nab-e, Ap Ambara an-nen-e an namawi bem Neid min lenak inpidnak aid nap min enmawi bem lobok yimin tarem-nen-e ap iri na obok para yurak na ninggiri pasiyem tak pimin-o.

Yosoloma-ge, Yesus-nen at yak tosolar-e: ”Ndakngge nene yoso ondoro kerep eyanggo worasu-o. Nde, towe nene yoso uwi na worasu-t nde, Ap Ambara mbinggirik woraso ondoro-ge lag-o” luk yij-o.

it yak ondosolar-e: ”An nunu bem la marik yu wanuwa nab-e an irit wok nubusu-o. Nde, an wok nubusu nab-e an wirik nibil lobok yidnak nap irit wanusu-o. Kit kennggenggerak marik worasu nap iri-ge nggulok-nen yusu-o” luk yij-o.