Popular Bible Verses from MATIUS 24

Share

Nde, wene kuruk tugwi na mondok wigak yil mborosolar-e, ap kwarat-nen ap enabuwa kagwi na inndi kol ma-o. Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

Nde, Mbal Pem Nagawan-nen tenagaidnak wi wene, aid wene iri-ge ap pidsa-nen enaru makluk, yi wi ndi wi oboksa yak indil nuwa-o. Iri rak puruk-net woroksiyem-e wok ma-o.”

Kit-nen-e wim pogolat san ene tup min kologolat-e, wim obok kologolat yugub-et nde, kwiye kudtak pug-o. Iri nggal kwat ma-t nde, i worok tak posolat-nen kwat ma-ge lag-o.

Ap enlem misik-nen-e ap enlem misik inmin wim mbarogolat, nagawan misik-nen tenagaidnak wi woragwi-nen-e nagawan misik-nen tenagaidnak wi woragwi inmin wim mbarogolat ma-o. O nin me nan me nogoro mbud yosolat, o lele yosolat ma-o. Alat nde, kwami-nen li ndaguwokluk yane witli iri nggal iri kwaruwa iri oboksa-ge tel korosolar-net kwat yuwa-o.

Mbal min nggweyak min-e lak ma-t nde, an-nen yidnak wene-ge lag-e ma bug-o.

Ap kwarar-e an nggal kwasa lobok yuwarig-e: ’Kerisut na-ge an-er-o’ luk yogolar-e, ap kwarat onmbol pem lujwa-o.

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o. Nde, iri tarem-e ap kwarat-nen it inndi angin tubu yidnak na keya buwa-o. It na it-net enare pegerak mbogolat, it na it-net nisili kisili yogolat ma-o. Nde, enesiget Mbal Pem Nagawan ene lomboksa yugwi nap kwarat men yogolar-e, ap kwarat onmbol pem lujwa-o.

Iri yogolikma-ge, Yesus-nen wene erep nggarosolar-e: ”Ap-nen konmbol pem lujwa naru, kwil kwalsa wolmer-o.

Iri bem-e, Ap Ambara na mimo kir-e peragit lak ma lobok yuwa me, kit-nen na irit mondok lid lud tak puruk wolmer-o.”

Iri bem-e kit Nagawan Indo lobok yuwa tarem-e kenaru buk me, kwara-t yik karok wolmer-o.

Alat nde, iri kwarurak tarem min jam min ap misiger-o luk tet aru bug-o. Aid arem woragwi aid nap-nen na, Ambara-nen na enaru bug-o. Eid ariget nak aru-o.”

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

”Nde, Nu worala kwariga nggal, Ap Ambara lobok yuwa tarem na iri nggal-et kwaruwa-o. Yi na awo kobong yigit lak ma-ge ap ereba-nen-e nunggwi mende min yi min nonggolat, ap min kwami min wok kerak mbogolat kwat tenak worakmu, Nu na e koma arem nggwid tarem wok yij-o. Nde, iri tarem-e it enaru buk worakmu, yi na lobok yosolat ereya na-net it oboksa lak tak inpij-o. Nde, Ap Ambara na lobok yuwa tarem-e iri nggal-et kwat ma-o.