Popular Bible Verses from MATIUS 26

Share

Inndi ngaroso mende-nen kinndi ngaruwa naru, kunluk woragolat, tepan yogolat wolmer-o. Kinndi-nen-e lud tag-et kwareyeg-o yili-t nde, kenpe-nen-e ndeyak yusu-o” luk yak tij-o.

it na yak ondosolar-e: ”An nindi nggwirik yosolat, wat momtak nggal yusu-o. Yu me puk woragolar-e, an nimin kunluk wolmer-o” luk yak indij-o.

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

It ereba na nunggukmu-ge, Yesus na mburu wanuruk, Mbal Pem Nagawan wa yak turuk, kala ligik puruk, at owosirak wok ondosolat-nen yosolar-e: ”Mburu yu-ge waga mer-o. Yu-ge an nebe-nen yusu-o” luk yij-o.

Iri yuruk, at-nen yimbe wanuruk, Mbal Pem Nagawan wa yak turuk, it wok ondosolat-nen yosolar-e: ”Yimbe arem kenanggo yu-ge kit oboksa mer-o.

Iri yuruk, at na owosirak na endam mbiridnggal-e, it yu na nene yukmu eneyarik, at-nen Peterus yak tosolar-e: ”Jam misiget tet kar-e an nimin kuruk wolmomtag-e meya-a?

An-nen yak kendeyeg-o: Yawo kuri-nen an-e anggut engen amburu-ge mondok ninggit lak woramindik, an Neid-nen tenagaidnak wi iri me-nen anggut engen amburu ngget mende iri kit kinmin totno nonggolat tarem-nen perak namin-o” luk yij-o.

Yosoloma-ge, Yesus-nen Peterus yak tosolar-e: ”Towe wam kusi ene yigit lak ma-net kenan pem an nimin-o: ’Ap iri-ge an naru bug-o’ luk yugun-o” yak tid iri na Peterus-nen yebet karuk, mbepme mberarig-e, yip kondok lud yij-o.

Men mer-o! Mburuwog-o! An wesel nuburak nab-e panggo yij-o” luk yij-o.

Alama-ge, Yesus-nen at yak tosolar-e: ”Yalawi wanugwi nap oboksa-ge yalawi bem unduwa me, keyalawi-ge ondolma yarak pi-o.