Popular Bible Verses from MARAKUS 4

Share

Yogolikma-ge, Yesus na men luk, obube na yak tosolar-e: ”Meyog-o” yak turuk, yi min yosolar-e: ”Tugup lak yi-o!” luk yij-o. Yosoloma-ge, obube na kondok yosolar-e, yi na tugup lak yij-o. Iri luk, Yesus-nen owosirak na yak ondosolar-e: ”Noluk-nen kwiye kali-o? Kir-e kinndi angin tubu yili bug-a?” luk yak indij-o.

Yak ondosoloma-ge, ir-e kwiye kwarat karuk, kin wok kerak mbogolar-e: ”Ap yu-ge ta kali-o? Obube min yi min-et nde, at-nen yidnak yidnag-et kwarij-o” luk yiga-o.

Yesus na e koma ayo nggwe anggul kwi mbara nene yosolat worasoma-ge, owosirak iri-nen sil karuk, yak togolar-e: ”Nggomo Nondoso Nap wa-e. Yi-nen nok nunpuwa yu-ge kar-e nit yebet neneyasu bug-a?” luk yiga-o.

Yesus-nen tuguruk yak ondosolar-e: ”Wene yu-ge kwarat yebet ker-o. Kit-nen ap wok unduwokluk ndak wosa wok undugwi iri na bem-et kit na iri bem-et ndak wosa wok kundurug-e, eralu na terak menna wok kunduwa-o.

Yesus-nen tuguruk yosolar-e: ”Mbal Pem Nagawan-nen tenagaidnak wi-ge ap misik-nen at eyapmu uwi pil kagaid nap nggal-nen yusu-o. Ap iri na-ge kubu ala, nene yosolat, lengga ala, men yosolat kwat tenak worasola-ge, uwi na-ge tup luk, mborosolar-e, nggok yij-o. Alat nde, uwi iri na mbutluk, nggok yusu na-ge mboroso abage iri-ge at iri na aru buk woragaij-o.

Nde, kulurak keneyanggo worak ala-ge, kwara koler-o” luk yij-o.