Popular Bible Verses from MARAKUS 9

Share

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

Yak tosoloma ereya na-net la na eid-nen ene ngguloksa yosolar-e: ”An nindi angin tubu yusu-t nde, kwara nindi angin tubu yusu buk-nen kwara nindi angin tubu yek-nen yongga niri-o” luk yij-o.

Iri rak puruk, Yesus na o ma worasoma, at owosirak o ma enarik mu-nen at kin wok obogolar-e: ”Noluk-nen kugi meya iri nit-nen wirik purag-e meya yij-o?” luk kin wok ibiga-o. Kin wok obogolikma-ge, Yesus-nen it yak ondosolar-e: ”Kugi yu nggal yu wirik pogolar-e, we-nen wirik purag-e meya-o. Are, tepan-net wirik purag-o” luk yak indij-o.

Mayu iri-ge konag-et nde, mayu nde undu lak ala-ge, nggesa-nen tuguruk undu worak tak purag-o? Iri bem-e, kid pidsa mayu yugurik inpidnak nab-et kwat yogolar-e, kit na kit-net kundik lambuksa wolmer-o” luk yij-o.

”Ta-nen nde la marik yu nggal yu an nunu bem wok obosolar-e, iri-ge an-et wok nubusu-o. Nde, ta-nen nde an wok nobosolat ala-ge, an nak wok nubusu-ge lag-o. Are, an wirik nibil lobok yid nap Mbal Pem Nagawan iri na-t wok ubusu-o” luk yak indij-o.

Kwara yebet yebet tak wolmer-o. Kar-e Kerisut imin kundik-nen yusu-o luk yi marig-et kenangga mak kunduwa-t nde, ndemeret Mbal Pem Nagawan-nen-e ap iri-ge onggo-t wok tuwa-o” luk yij-o.

Yuruk, Yesus-nen yosolar-e: ”An nebem inndi angin tubu yidnak li marik yu ennggendumu-nen la misik nak an nebem indi angin tubu yidnak na lak tak puwa nap iri-ge, kerep nggulok at urusuwak pem yela keya buruk, yi koma arem mbo pil nggurag-e ndak-nen yusu-o.

Kat kerengen-nen nde meya rak kobosola-ge, kerengen kela wabi-o. Kat kerengen misiget nak-nen Mbal Pem Nagawan-nen tenagaidnak wi nggurag-e konag-o. Nde, kat kerengen mberen parugu kan mare arem nggurag-e meya-o.