Popular Bible Verses from LUKAS 13

Share

“Keleh manggau jalan mangat tame mahalau bauntonggang je simit. Basa, ingat! Are oloh je manggau jalan tame tapi jaton olihe.

Intu hete aton oloh bawi je jari hanyawalas nyelo haban, awi aton roh papa huang ie. Oloh bawi te hajongkong tuntang dia olih samasinde mendeng bujur. Katika mite ie, ie hamauh hai auhe dengae, “Ibu, ikau bebas bara panyakitm!”

Palus Yesus mingkes lengen Aie hunjun oloh bawi te, tuntang hong katika te kea ie mendeng bujur palus manara Hatalla.

Puna toto, aton oloh je pangkarahiae kareh manjadi oloh je pangkaheloe, tuntang aton oloh je pangkaheloe je kareh manjadi oloh je pangkarahiae.”

Hong katika tempon huma misik tuntang matep bauntonggange keton mendeng intu luar tuntang nampara manegah sambil hamauh, ‘Tuan, uap bauntonggang akan ikei!’ Tuan te akan tombah, ‘Aku dia katawan keton bara kueh!’

Dia samasinde! Sinde tinai Aku hamauh: Amon keton dia hobah bara dosan keton, keton kareh uras matei kea sama kilau ewen.”

Tapi Tuan te hamauh tinai, ‘Aku dia katawan keton bara kueh. Dari bara hetoh, keton je manguan gawi papa!’

Yesus misek, “Amon Hatalla marentah, kilen ampie keadaae? Dengan en Aku tau manandinge? Keadaae te sama kilau paribasa toh. Ije kabawak sawi induan awi ije biti oloh palus iimbul hong kabon. Bawak sawi te belom palus manjadi batang kayu, tuntang kare burong palus mawi sarangae intu kare edan kayu te.”