Popular Bible Verses from Jan 12

Share

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.

Yóm kógówu elem benwu,” mon Jisas, “hol lómón ke layag sut bélê ye. Yó se tau hemtahu béléu, là kóen hlós knóen lem kifu.

Ke wen tau hmungol du yóm toloku, ne là nimónen du, là kô ou du angat tmuled du. Abay se sundu yó du nógówu elem benwu ke naw e tmuled kem tau. Okóm yó dé nógówu anì naw e lenwà lu gu lem hatay.

Bong ke Midi kun, wen sotu sobuy hboo nwahen, yóm boo boluyen nard, yóm laen dù boolen, alì mebtes, ne tey tilob boohen. Gotu koken te ti Jisas, ominen bud mifu du weken. Botong lengeben gu lem gónô gónón e mbel boohen.

Gotu le ma doun twok mò nit le semlong ke Jisas. Gotu le mensag, mon le, “Hol dóyón tekuy dé Dwata. Dwata he hol tmóbóng du yóm tau deng hógówen ni. Dwata he hol muyag du yóm tau hol geta bélê tekuy kem tau Israél.”Ne wen ton Jisas yóm sotu kay kudà boluyen asnu, ne nyónen. Yó se deng gónón dohò yóm tehe mon Dwata bè Sulaten, yóm monen

Ne mom yó balà Jisas kul, monen, “Móyónen hto ne yóm kehegfan Dwata du yóm tey kegetahen yóm Ngà Tau.