Popular Bible Verses from Jan 19

Share

Timbow deng ksefen du, ominen mon du, “Deng gotu deng ne kdéen.” Ominen hetngù, ne milot se nawahen.

Tódô tngón Jisas se deng gotu deng ne yóm kdéen, ne yó monen, “Meenge.” Yó gónón mon du yóm yó, mò gónón dohò yóm tehe hsulat Dwata.

Ton Jisas yéen, sedà le yóm sotu tau gel lemolò ke Jisas, yóm kenbong nawahen. Mon Jisas mò ke yéen, “Ó Yê, yó dé ngaem.” Ne bud monen se mò yóm tau gel lemolò du yó koni, monen, “Yó dé yéem.” Tahu se, tódô nbuten bè yó ne knô Yê Jisas bè gónô yóm sotu tau gel lemolò ke Jisas yó.

Okóm timbow le kól bè Jisas, ton le deng matay, ne là kô dog tenfok le du yóm kun ti. Okóm wen sotu sendalù mdek buyus bè klabihen, tódô sen-gengen se msut litóen ne él.

Bè yóm là ketfok le ti Jisas yó deng gónón dohò yóm tehe hsulat Dwata, yóm monen, “Laen kô dù angat tenfok le bè yó kem tiolen.”Ne yóm sotu tehe snulat le, yóm monen, “Angat sentngel le yóm tau ndek le buyus.” Ne yóm sotu tehe snulat le, yóm monen, “Angat sentngel le yóm tau ndek le buyus.”

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

Timbow deng kfes le du, omin yó kem sendalù lemikin yóm sotu kay tinu semnual mò nmò le kuruna suub le bè kulu Jisas. Ne hesek le du yóm nes ginggung, hningón nmò le tau hol geta.