Popular Bible Verses from Jan 6

Share

Ne bud mon Jisas mò kul, bede hningónen, “Ou se yóm ken hlowil tau. Yó se tau mógów ebéléu, laen kô dù tul kbitilen. Yó se tau hemtahu béléu, laen se kô dù tul kleengen.

Tek són yóm Tulus Dwata gembek hlowil tau. Bong yó dum lówó tau, bà udì ke wen gmoen. Kdê ni kem udélu ebélê ye ni koni, hlowilen tau abay se hono lemwót gu bè yóm Tulus Dwata.

Bê ye kat alì sen-galu yóm ken wen sónen. Yó dé hol sen-galu ye yóm ken gónó ye gmuta du yóm klowil laen dù sónen. Yóm ken monu ni, ni se yóm ken angat blayen kuy yóm Ngà Tau, abay se yóm Dwata, kun Mà, deng bemlay du béléen yóm kfasangen mò du.”

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Kdê yó kem tau hemtahu béléu,” mon Jisas, “sal lemwót bè kun kehlan du Mà. Ne là kô naw e kenbê kul ke wen tau mógów ebéléu.

Ne mon Simun Pitér se, monen, “Laen kô dù dumu tau lolò me, Sér, tek són sem uu. Lemwót bè udélem gónó me gmuta yóm klowil laen dù tul sónen.

Ou se yóm ken lemwót gu bè longit mò gónó ye mowil. Ke wen tau mken du nim ken monu ni, angat gutahen yóm klowil laen dù tul sónen. Yóm ken monu ni, duhen yóm dou lówó. Angat hamau mò gónó le mowil kdéen tau bè klamangen benwu.”

Laen kô dù tau tódô mógów ebéléu ke là nan na lemwót bè Mà, yóm hógów do edini. Yóm tau mógów ebéléu, angat hlowilu sok kól yóm hol són kdaw.

Yóm ken blay Dwata, duhen yóm tau hógówen lemwót gu bè longit mò gónó le mowil kem tau lem benwu.”

Ou se yóm ken hlowil tau.

Ne omin Jisas ma yóm mambang yó koni, bede nan gna mni bè Dwata, ne ominen hsagid du ebè yó kem tau myón bè yó. Ne bud senged se kmoen du yóm utón él. Gotu le bsow yóm kdê le. Timbow deng kken le, mon Jisas mò yó kem gel lemolò du, “Sentifun ye yó kem lukasen anì là gamaen.”

Ne bè yóm hanà tolo knô le talak yóm lanaw, wen dô limu duhen ke nem kilumitru klayuk le bè kilil, tódô ton le se Jisas mógów ta él, hloni ebè yóm ówóng. Ya tey sidek klikò le. Okóm mudél ebélê le Jisas, monen, “Bê ye hlikò, ou se ni.”