1
Luk 8:15
Udél Dwata: Gna Kesfasad ne Lomi Kesfasad
Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”
Compare
Explore Luk 8:15
2
Luk 8:14
Ne yóm gónón mfól bnes semnual gónón e gdek yó kem dumu bnék sohulen yó, duhen yó se kem tau hmungol du yóm Udél Dwata, okóm tey dê lenóngón nawa le bè kendengen le ne tey dê kenbeyen nawa le ne deng le tódô limes là kóen dog tmuha kehtahu le.
Explore Luk 8:14
3
Luk 8:13
Yóm lusok botu gónón e gdek yó kem dumu bnék sohulen yó, duhen yó kem tau hmungol du yóm Udél Dwata, ne tey le hligal bè yóm kehtahu le du, okóm là kóen dmolil. Tek likót le hemtahu. Timbow wen tilów mgel sut bélê le, gkogol le ne yóm kehtahu le.
Explore Luk 8:13
4
Luk 8:25
Ne mon Jisas mò kul, “Na, nô se kehtahu ye béléu du?” Ya tey ketnga le, lel le likò, sentulón le, mon le, “Tau du de mni? Tódô mudél ebè yóm lenos ne yóm lewók, ne tódô nimón le se.”
Explore Luk 8:25
5
Luk 8:12
Yóm lan gónón e gdek yó kem dumu bnék sohulen, duhen yó kem tau hmungol yóm Udél Dwata, okóm tódô sut Seitan, mom nwahen bélê le yóm udél deng gungol le yó anì là dog le hemtahu, ne anì là gewà le lem salà le.
Explore Luk 8:12
6
Luk 8:17
Yóm gebnos nim kmoen ni, angat gfan ne yóm gel gbuni nim kmoen ni, bud gfan elem hulin kdaw.
Explore Luk 8:17
7
Luk 8:47-48
Timbow gungol yóm libun yóm mon Jisas yó, tódô setbol kkelen na a hegluduk bè solu Jisas. Tódô benkasen lem blóng yó kem tey tau yóm dalil gónóhen temgafit mdù yóm nes Jisas, ne yóm tódô henmung keteflok yóm desen. Mon Jisas mò du, “Yóm kehtahuhem béléu, Lenibun, yó se gónón mkó yóm desem. Tu ne, muléki. Dwata he henek nawahem.”
Explore Luk 8:47-48
8
Luk 8:24
Ne bentik le Jisas, mon le, “Ó Sér, hatay tekuy ni.” Ne hboluk btik se Jisas, ne tonen yóm tey lenos ne yóm tey lewók, ne tódô monen, “Botongen ne.” Ne tahu se, tódô sen-gengen se teflok yóm lenos, ne menek gu talak lanaw.
Explore Luk 8:24
Home
Bible
Plans
Videos