Popular Bible Verses from YOHANES 15

Share

Nara gal nong ulumna. Ugunda, gal soruk ululum. Heknedya nak ulumnenelekanya, nara alak ulumnamna dara, alda doka nauba moulumnamla. Bok, na orok dara, ugunda yokaʾ-yokaʾ pe unuwanggunusom.

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

Ugunda nablaboka kwebdangoka ulumeibyekanya, nadya lelesin yub era, ugunja ganya lomok sam ulusilya dara, ugunda yokaʾ-yokaʾ dobsibya senelelumaʾ anyek, elegeisilom aboka mololomun dara, ugunuk eleganesil.

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

Nimi ben hnon ara, alja hem bemba alja nonga somogonun senelelanya bera, alja wanaʾ unaʾ ara hyak nauba so ulumla.

Nak doka mounggulumla soruka nidyaʾ diblamlakanya, nidyaʾ molulanya nera, nauba dangoka sobaʾ moubgiga balalulaʾ aboka, onoʾ gereboka lelekdeboka memelamla.

Ban oruklesin: Nara ugunuk wanaʾ ulusin sok, ugumba wanaʾ uldalamnalum aboka orugeisin.

Ugunda doka nauba molumnesil dara, nadyaʾ neyung bedya si imik nenewoka, ugunda nadya yuba doro diriga ban nang dibaʾ ulumnulum,” hyok.

”Nara dib nong gal nong ulumnakanya, nadyaʾ neyung bera pe yeboka memenaʾanya ulumla.

Heknedya nablaboka kwebdangoka unggulunam dara, gal soruka diboka bobogamna ek mekemnaʾ anaso ulumla. Ban anaso soruk ara, neikaʾ ak mamagoka uka dalamak dara, uka delemla.

Nadya ei-ei ganya ara ugunja ganya ek ulumnesilikanya, ugunja ei-ei ganya bololumaʾ ara deknelesululaʾ aboka, ban nidyaʾ ara ugunuk lebsin.

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

Ugun dam nang wanaʾ uldalalulum aboka orugeisin,” hyok.

Ugunda sokok anyebaʾ ak ulusom dara, aljinya nek anasa, wanaʾ nauba ulumnesuso bok, ugunda sokok anyebnya unggululumaʾ anasa, nadya sokok ab ugunuk dosisaʾ anasa, ugunuk lek senelesil.