Popular Bible Verses from MATIUS 28

Share

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum. Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

Dara lero enedya gelewa danyek an, ”Ugunda lok ganya bonaʾ ara mem! Ugunda Yesus gal ak oboka glarobnya benyek elelumaʾ ara nara ella usin. Alda ugunuk youmaʾ wenyasuk sok seleb embengaʾ suboka bukumlakanya, anyagan unggulumla. Wera al diyimong oulyang era, an ekla dema mamlaʾ anyek kendululum.

Wenyek Yesus ara sikenek, ”Ugunda lok ganya bonaʾ mem. Sikda nak eibnenyakaʾ anasa, na kabo nang era Galilea sokok binokaʾ aboka, wenyal bulululum,” hyok.

Wenyek Imik Neyung yuba wa gak nang eb, Yahudi soko dub nang eb neikaʾ yuba saboka, yina bonaʾ nang ek nauba rupiah elegesiikanya, lebekja, ”Yesus alja yuba doro diriga ban nang edya nunda salyaʾ lobaʾ hogunga mabmab salek enyek, beʾ dakoka hokaʾ domak, henelum. Dara, mok soko dubnya bera unuwak an yuba keblya dara, ugunuk yokaʾ ubsilyek aboka, nunja alak ara or-or uboka yuba seknesab,” hyek. Dara yin bonaʾ nang era rupiah en doboka, sikenek anaso unuwanalum amek sok unuwek. Dara ban yub era, Yahudi sokok an sum enyek ab moruwoka weneba or anam nekdo yabalamak.