Popular Bible Verses from MARKUS 4

Share

Wenyek Yesus ara bukoka, kaboʾ unul yabokaʾ ak loblom aboka orugookanya, mek yaknaʾ yeiriwoka yabalamokaʾ ak lebokaʾ ara, ”Anda wera, gelegalom, namenaʾ danalam!” hyok. Danyek kaboʾ senenggomaʾ dolomokaʾ ara dengaboka, mek yaknaʾ anaba gobdo namenaʾ dok. Dara Yesus ara alja yuba doro diriga ban nang ek, ”Ugunda hekasa lok ganya bololum do? Ugunda anam dib senewanggublum de?” wenyhesuk.

Wenyek sikda hyak lok ganya boboka, sik moumen leldalamekja, ”Ban benera okoka dara heknyek ulumla do? Anedya wera kaboʾ ab, mek anaba alja yuba kelemla bar,” wenyaldalamek.

Ban salek era, Yesus ara mek ekla bunaʾ gokgobok berem, huk beilinaʾ adya eiriyiboka mamok. Alja yuba doro diriga ban nang edya Yesus ak gaawoka lebnemekaʾ ara, ”Neyung neklesilimnya o, nunda meka si denesiso dara, anda dolbalek senelam de?” wenyalamek.

Anya onoʾ Yesus ara hnon lebokja, ”Ugunda ban kebnelumaʾ anyek, pe seiniwanalum! Ugunja yok nim ek unululumnya nera, Imik Neyung adya dara, ugumbabya onsok lunuwoka anaso unuwanasil. Anya nene hnon bok, onoʾ nauba makoka unuwanasil.

Dara Yesus ara lebokja, ”Imik Neyung adya wenelemnesilaʾ ara, nimi be hnon wak sam doka mel balamlaʾ anasoʾ ak ulumla. Yinaʾ memna dara, menanya bera inimnek era hogunga malamla, anya yubyek dara alda bulumla. Dara yinaʾ memnaʾ ara, bongowoka imik danggiga welelamlaʾ ara, ban unulamlaʾ damok ara, ban benera elgom ulumla.

Anasa, heknedya ken damba o ulumla dara, alda pe keblul!” hyok.