Popular Bible Verses from YOHANA 14

Share

Omulembe nikwo okwamulekhelanga; omulembe kwanje omwene nikwo okwa muhelesia. Sikali ol'la esibala sihananga nambwo mbananga khwinywe tawe. Murahenda emioyo chienywe kata murarie tawe.

Yesu namukalusia naboola, “Ise nise, injila, nise akatooto, khandi nise obulamu. Omundu sianyala okhutsia khu Papa narabiriye khu ise tawe.

Yesu yabool'la abechi baabe, “Murahenda emioyo chienywe tawe, Subile khu Nyasaye subile khwise khandi.

Ne Omuhotselesia niye Omwoyo Omutsienukhu owa Papa aliruma muliira lianje; alimwibaal'la amang'ana kosi, namwitsusia amang'ana kosi akandamubool'la.

“Omundu ouchil'langa amalako kanje, nakakhola, uyo niye owanyanza. Papa wanje alimuyanza omundu ounyanzanga ise nase ndimuyanza ninderibula khuye.”

Nase ndakhasaaya Papa wanje, naye yakhamuhelesia Omuhotselesia undi owakhabetsenje n'nenywe khasotso. Naye niye Omwoyo oribulanga akatooto khuka Nyasaye. Esibala sisinyala okhumuhuchil'la tawe sichila sisimulolanga, kata sisimumanyile tawe. Nebutswa inywe mwamumanya sichila amenyanga n'nenywe khandi aliba mwinywe.

Ne liosi elia mwakhasaba muliira lianje ndilikhola, mbu Papa afumibwe khu Mwana. Nimuba nimusaba ling'ana liosi muliira lianje, ndakhalikhola.

“Nimuba nimunyanza, mwakhakhola amalako kanje.

Munyumba ya Papa wanje, bulimwo obukono obwinji, nase nzitsanga okhumulombela ahenywe. Kalaba nikarali mbwo khane sindakhamubooleye yaka tawe.

Ne nimba ninzia okhumulombela ahenywe, ndikalukha okhumwenda mbu ahandiba nenywe mulibaho.

Tomasi namubool'la, “Omwami, sikhumanyile ahotsitsanga tawe; kho khwakhamanya mbwena injila?”