Popular Bible Verses from YOHANES 10

Share

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

AHKU TUH SOKAHTIK IJO HINUT. Sokahtik ijo hinut nonga hasongoh bagi tobiri-tobirioh.

Tobiri-tobiri-Ku ngonih auh-Ku. Ahku ngosono iro, tutang iro ngohasu Ahku.

Ahku nonga iro pombolum ijo sojahti tutang kototahiu, tutang turus-jahamoh iro eam ahkan rusak. Eamanai ihcobehti ka dahpot ngorabut iro tahkan longok-Ku.

AHKU TUH BAUNTUKANG. Iai ijo nyolong nguha Ahku ahkan solamat; io soluka, nyolong tutang ngondahpot ukuioh.

AHKU TUH SOKAHTIK IJO HINUT. Sama kolou Amai ngosono Ahku tutang Ahku kosono Amai, kolourih ka'a Ahku ngosono tobiri-tobiri-Ku tutang tobiri-tobiri-Ku ngosono Ahku. Ahku nyarah hasong-Ku ahkan'ndo.

Amai-Ku, ijo ius nongaoh iro ahkak-Ku, molowiumba koparingoh. Tutang eam ihcobehti ka dahpot ngorabut iro tahkan longon Amai. Ahku tutang Amai anairih ihco.’’

AHKU TUH SOKAHTIK IJO HINUT. Sama kolou Amai ngosono Ahku tutang Ahku kosono Amai, kolourih ka'a Ahku ngosono tobiri-tobiri-Ku tutang tobiri-tobiri-Ku ngosono Ahku. Ahku nyarah hasong-Ku ahkan'ndo.

Eam aro ihcobehti ka duon ngomiuoh tahkan Ahku. Ahku nyarahoh ngosan konohuang-Ku bongok. Ahku bokowasa ahkan nyarahoh, tutang bokowasa ngomiuoh huli. Orihrih gawik'ku ijo Ahku torima tahkan Amai-Ku.’’

Mahka Yesus nuhtui sino hino, ‘‘Tu'u-tu'u morong auh-Ku tuh: AHKU TUH BAUNTUKANG BAGI TOBIRI.

Ulun konuhpah ijo eam sokahtik, tutang eam ka'a tepun tobiri-tobiri orih, ahkan buhou nohtah tobiri-tobiri orih, amat io nohto horomaung lombut. Mahka tobiri-tobiri orih ahkan tonosahap tutang ngorawu riai horomaung.

‘‘Tu'u-tu'u morong tuhtui-Ku tuh: Ulun ijo kani nyolong nokuh luwang korambang tobiri nuhkat nguha pahkot, tutang eam nguha bauntukang, tahpi nuhkat nyuru jalan bohkon, io rih ponahkou tutang ponyilou.