Popular Bible Verses from IGHISYEWUT 2

Share

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

Atolapay kïpechï kukil kegh kïter kinetut pö kiyoktoghï nko nyoryogh nko mïnchïranata makatyan nko sowut.

Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

Kïnyini lawel kungwïna yïm kighumötö nyo lenye kighumöto yomonay le chepkiririri ato kïlïmöy, kïnyïghï köyay kïmïkul kimpuröy pïchay. Atolapay kuchumï tïkwïn cho lata lyopötino ma, akïrökyï chi anka tïkwïl ompö chane. Kungwïnchï chane löwïr Mïkulögh nyo Tïlil, akutor kïngalana kutïw walaka le wölo kitöntö Mïkulögh chane kïngalan.

Kulet tagh osis löwïr kwam tuyot ompö Kö pö Tororöt* nko ompö kestonikwa, kumoröy omisyö ompö ngörekyö nko ompö mïkulis cho karamach, kisölöy Tororöt, akingörökyï pich löwïr chane. Kïtösini Echotyon asis anka tïkwïl nyoryengwa pich cho kikïsöru.

‘Mwoghöy Tororöt ompö osiswo söröm lö, Otöninan pich löwïr Mïkulöwunyu. Ngorsïyi werkökwa nko tipikwa sïwïyi chumwakökwa kiporut rwotïtöy poyikwa tïkwïn.

Kimi otö akonga kighönï, tïkwïl kïghömtoy tïkukwa. Kyoltoy kyakikwa nko tïkukwa walaka cho kitïngetö akïchöghchï chi löwïr, kïrïp nko wölo kilata möchutyenyi.

Akesörï chi anka tïkwïl nyo soghöy ompö kaynata Echotyon.’

Wöghökoy asis kïtuwitu akïpïrïritu arawa le kisön, atoni kïtomö kwitï asispa Echotyon nyo wow akworor.