Popular Bible Verses from YOANA 15

Share

“Ochan sapipïyonte, ochikwa mori. Yinöy akwa cho chang chi nyo mi orinyan, amitan orinyi, ompöwölo momuchekwanye oghöy kïgh nyonikïny ato momitanye nko akwa.

Ompurö orinyan atompurön orinkwa. Kïle wölaye memuchönye morno ket kuyinöy akwa onkït kïpoto ato töpö ket pö sapipïyon, kïlenyoni tïkwïl ompö akwa ato motïpikwanye orinyan.

Ato amangakwa orinyan akïmang ngalechan orinkwa, osom kïgh anka tïkwïl nyo omököy atökekonok.

Kimakïlanïkwanye, kyakïlakwa acherokwa ape atayina akwa cho chang, akwa cho pö kokay. Atökïkonokwa nyu Paponyan kïgh anka tïkwïl nyo osomekwa nyinte ompö kaynenyan.

Möminye chomnyogh nyo wow kïsir chomnyogh nyo tötoy chi söpontanyi ompö kongotichi.

Töröy akïwirta morïn anka tïkwïl nyo mi orinyan nyo meyinunye akwa akïpïtyï morïn anka tïkwïl nyo karam tökuyin akwa cho chang.

Anyï kirurtyenyan: achama kegh akwane, kïle wölini kachamakwa kïlïkwï.

Kïkonyïtöy Paponyan ato ayinukwa akwa cho chang alïkwï nyu ompö aranoni kinetankachi.

“Ochan ket pö sapipu nyo pö man akï ngorinte Paponyan.

Ato mötöpönye chi anka tïkwïl nko ani, kewirchini sany atökïyam le morno ket. Ghömïtöy nyu pich morichoni pö ket akïwirchï ma atökepel kïnöghö.

“Komwowokwa ngalechoni atökïtöpö ngörekyenyan orinkwa atökwitïta ngörekyenkwa.

Ato arïpakwa kirurutköchan otïpïyonekwa nyu chomnyenyan ori, kïle wölo kyarïptan kirurutko Paponyu atöpö orito chomnyenyi.

Ochikyinokwa ye nyu lö, achama kegh akwane.

Ntökochikwa pipö ngwïny, kötochömökwa ngwïnya cho ochï pikachi. Wölo ompöwölo melö ochikwa pipö ngwïny, wölo kyakïlenakwa ngwïny, nka nyoni ghöchinokwa ngwïnyinï.