Popular Bible Verses from RASUL 2

Share

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

Ngan rajin jemau diau percayautu belajagh jak di rasul ngan maju seghundak. Ughangtu makan, makan jamuan Tuhan ngan bedu'a seghundak.

Ughang u dikuasaui Rua Allah, mangku mulai ngiciak ngan serbau basau. Ughangtu ngiciak luak la dienjuakka Ruatu.

Adau muni kedengaghan jak di langit luak angin deghas. Muniautu pacak didengagh di gegalau ghuma bada ughangtu betunggal. Mangku tekinak luak lida api diau njilat-njilat, mangku nginggapi ughangtu galau. Ughang u dikuasaui Rua Allah, mangku mulai ngiciak ngan serbau basau. Ughangtu ngiciak luak la dienjuakka Ruatu.

Idang aghi ughangtu maju seghundak di Ghuma Allah. Ughangtu makan, makan jamuan Tuhan jak di ghuma ke ghuma ngan riang ngan tulus ati. Ughangtu maju ngagungka Allah, mangku gegalau jemau riang ngan ughangtu. Mangku idang aghi ughangtu maju betamba, karnau Tuhan ngenju'i jemau diau diselamatkaNyau.

‘Allah bekatau: Masau pengabisan saman Aku ka ngenjuakka RuaKu ngan gegalau manusiau. Mangku anak-anak kamu empuak lanang empuak tinau ka ngiciakka katau Allah. Budak bujang ka nginak pengina'an, jemau tuau ka bemimpi mimpika ceritau Allah.

Gegalau jemau diau percayau maju seghundak, mangku setu diau adau di ughangtu dienjuakka ngan jemau diau nidau bediau. Adau jemau diau njualka retau bendaunyau, mangku tanciau dienjuakka ngan jemau nurut kepentingannyau sesughangan.

Mangku jemau diau ka mintak tulung ngan Tuhan ka diselamatka.’

Matau-aghi ka njadi keleman, bulan ka njadi abang luak dagha, antak ka aghi Tuhan datang, aghi besak diau nyelia itu.