Popular Bible Verses from YUHANIS 15

Share

Akunila batang anggur, kamunila cangka-cangkahau. Jemau diau mendam di Aku ngan Aku di diau, jemautu ka banyak buahau. Amun Aku nidau nulung, kamu nidau pacak mbuat tuapau-apau.

Mendamla kamu di Aku, mangku Aku mendam di kamu. Cangka nidau pacak bebua, amun nidau maju di batang anggur. Luak itula pulau kamu nidau pacak bebua, amun nidau mendam di Aku.

Amun kamu maju mendam di Aku ngan kici'anKu maju di ati kamu, pintakla tuapau kila kamu endak, mangku kamu ka dienju'i.

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

Jemau diau sayang nianan ngan kantinau, jemau itu nyeraka nyawaunyau batan endak kantinau.

Bilang cangka di Aku diau nidau bebua diteta'Au, mangku bilang cangka diau bebua diberesiaka, supayau buahau tamba lebat.

Inila perintaKu: Kamu mesti sangi sayangi, luak Aku la nyayangi kamu.

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

“Akuni umpamau batang anggur diau asli, mangku BapakKu tukang sayiau.

Jemau diau nidau mendam di Aku dicapakka keluagh luak cangka, mangku njadi keghing. La udim ditunggalka jemau, dicapakka ke dalam api, mangku mutung.

Gegalaunyau Kukiciakka ngan kamu, supayau keinji'anKu adau di ati kamu, mangku kamu injiak nianan.

Amun kamu nuruti perintaKu, Aku maju sayang ngan kamu. Itu semegi ngan Aku nuruti perinta BapakKu, mangku Bapak maju sayang ngan Aku.

Inila perintaKu ngan kamu: Sangi sayangila kamu.”

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.