Popular Bible Verses from Yohana 15

Share

Inze mbeye muzabibu, na mwinye mu veye tsisya. Uyu u menya mu inze, na inze muye, yamanga amakuyu manyingi: kigira bugira inze si mu nyala kukola kindu kali hakuzu.

Mu menye mu inze, na inze mmenye mu mwinye. Kuli lusya lwene si lu nyala kwama ni lu ta menya ku muzabibu; kandi mwinye si mu nyala kwama, ni mu ta menya mu inze.

Ni mu menya mu inze, namakuva gange ni ga menya mu mwinye, mu saale vya mwenya, mu la kolerwa.

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Mundu si a veye nobuyanzi bunene kuvita yibu, mundu a haane livamwoyo lilye kigira avalina veve.

Ku tsisya tsyosi tsi veye ku inze ulu tama, a la lu twulidza, nalwo lwamanga, a la lu halulira lu dase kwama.

Yili ni lilaga lyange, mu yanzane, kuli wa inze mmali kumuyanza.

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Inze mbeye muzabibu gweligali, musimiki ni Dada wange.

Mu ndu na a ta menya mu inze, a la tebwa kuli lusya lu tebwa na a Iwuma; natsyo va vungidza halala, ma va tsi ta mu muliru, tsyaaka.

Yaga mmali kumuvolera, ubuyanzi bwange bu duke kuva mu mwinye, kandi ubuyanzi bwenyu bu duke kuduka.

Ni mu va ni mu gumira malago gange, mu la menya mu buyanzi bwange; kuli inze ngumira malago ga Dada wange, kandi menya mu buyanzi bwibwe.

Yivi mmu laga, mu duke kuyanzana.

Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.