Popular Bible Verses from Luka 3

Share

Avandu vosi lwa va batidzwa, kandi Yesu lwa ya mala kubatidzwa, lwa ya li na a saala, ligulu li gulika, na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Kali ka lunu imbadzi i vikeywi ha vitinya vyemisala: kigira yaga, ku misala gyosi gu tama makuyu malahi gu temagwa, gu tebwa mu muliru.

Kuli ga ng'odwa mu kitabu kyamakuva ga Isaya muprofeti, Mwoyo gwomulala u hanzuka mwigendanyama Mu lombe inzira yo Mwami Mu lungikidze mihanda gyigye. Vivanda vyosi vi lizulidzwa; Vigulu vyosi notugulu twosi tulikidzwa; Vya kyama vi la lungika Tsinzira tsyamagyiki tsi la leng'ana; Navandu vosi va la lola ubuhonnyi bwa Nyasaye.