Popular Bible Verses from YOHANES 15

Share

Ukuba pun anggur ngen ko ba dan-danne. Api bae de tinggea lem Uku ngen Uku lem si, si bebuak dau, sebab neak luea Uku udi coa dapet menea jejano.

Tinggea ba neak lem Uku ngen Uku neak lem udi. Serai awei dan coa dapet bebuak kunei diraine suang, amen si coa tinggea neak punne. Awei o kulo udi, udi coa bebuak, amen udi coa tinggea lem Uku.

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

Kasiak de lebiak lai adeba kasiak kunei suang tun de melei nyabaine utuk kuatne.

Tiep dan pado-Ku de coa bebuak, tentok-Ne ngen tiep dan de bebuak, nersi-Ne, supayo si lebiak dau buakne.

Dioba periteak-Ku, adeba supayo udi saling mengasiak, awei Uku bi mengasiak udi.

Lem hal yo ba Bapa-Ku nujai, adeba amen udi bebuak dau ngen awei'o udi adeba penotoa-penotoa-Ku.”

“Ukuba pokok anggur de benea ngen Bapa-Ku ba temuanne.

Api de coa tinggea lem Uku, si nuang moi luea awei dan jijai ke'ing, sesudo'o tun melunggukne nuang moi lem opoi lajau nembem.

Kutene o Uku nadeak ngen udi, supayo suko cito-Ku ade neak lem udi ngen suko cito-Nu jijai penuak.

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

Dioba periteak-Ku ngen udi: Kasiak ba suang do ngen de luyen.”

Sekirone udi kunei dunio, pasetba dunio mengasiak udi awei milikne. Tapi kerno udi iso kunei dunio, tapi Uku bi miliak udi kunei dunio, sebab do'oba dunio jengik ngen udi.