Popular Bible Verses from Ore i mexü̃ ga Luca ümatüxü̃ 9

Share

Rü yemawena rü guxü̃ma ga norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü yáxna namaxã taxĩnü i ngẽma guxchaxü̃gü i tümaca̱x ínguxü̃ i wüxichigü i ngunexü̃gu, rü ñu̱xũchi chowe tarüxũ!

Erü yíxema tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.

Natürü Ngechuchu rü ñanagürü nüxü̃: —Texé ya yíxema inaxügüxe nax Tupanaarü puracüwa tapuracüxü̃, natürü tümaarü ngẽmaxü̃guama rüxĩnüxe, rü tama tame nax Tupanaarü puracü taxüxü̃ —ñanagürü.

¿Rü ta̱xacüwa nüxü̃́ namexü̃ ya wüxi ya yatü ega nayauxãgu i guxü̃ma i ñoma i naanewa ngẽxmagüxü̃, natürü iyanatauxẽẽãgu i norü maxü̃?

Rü ngẽxguma texé cha̱u̱xca̱x ãnegu rü naxca̱x taxãneegu i chorü ore, rü Tupana Nane ya duü̃xü̃xü̃ ixĩcü rü tá ta tümaca̱x naxãne i ngẽxguma norü üünemaxã rü Nanatüarü üünemaxã rü norü orearü ngeruü̃gü i üünexü̃maxã núma naxũxgu.

Rü Ngechuchu nanangãxü̃ rü ñanagürü: —Ngowagü rü nüxü̃́ nangẽxma i naxmaxü̃gü, rü werigü rü nüxü̃́ nangẽxma i naxchiãü̃gü, natürü Tupana Nane ya duü̃xü̃xü̃ ixĩcü, rü nataxuma i nachica i ngextá nagu yacuxeruxü̃ —ñanagürü.

Rü ñanagürü nüxü̃ ga norü ngúexü̃gü: —Texé ya chauégagu ñaa buxü̃xü̃ yaxúxe, rü choxü̃ nixĩ i tayaxuxü̃. Rü yíxema choxü̃ yaxúxe, rü Chaunatü ya núma choxü̃ mucüxü̃ rü ta tayaxu. Rü yíxema guxãarü yexera tügü írüxíraxe, rü yíxema tixĩ ya guxãarü yexera ixĩxẽ —ñanagürü.