Popular Bible Verses from Mt 6

Share

Djulisisani kusungula a Mfumu wa Xikwembu Nkulukumba ni kululama kwake, kutani hinkwaswu leswo n'witayengeteliwa.

Hileswo-ke n'wingakaratekeni hi siku dra mundruku, hikusa a siku ledro dritatidjulela swa drone. Hikusa a siku drin'wana ni drin'wana dridringana hi khombo dra drone.

Nan'wibyela nili: N'wingakaratekeni hileswaku n'witada yini, kumbe n'witanwa yini, ni leswaku amirini wenu, n'witayambala yini. Ke a vutomi abyitluli swakuda, ni miri amitluli swiyambalu xana?

Kambe wene, loko ukhongota, nhingena andlwini yaku, kutaku loko upfali a xipfalu, khongota Tatana waku lweyi anga xihundleni; Tatana waku lweyi akuvonaka axihundleni, atakunyika a hakelo draku.

Hileswo-ke n'wifanela kukhongotisa xileswi: Tatana weru lweyi anga Matilweni. A vito draku adrihlawuliwe, awute a Mfumu waku; a kurandra kwaku akuyentxiwe amisaveni, swanga hi le Tilweni.

Hihanane namuhla a swakuda sweru swa siku drin'wana ni drin'wana

Hidrivalele a milandru yeru, swanga hi leswi na hine hidrivalelaka van'wana lava vangani milandru ku hine.

Ungahiyise akudringiweni, kambe hihuluxe ku lwe mfani.

Hikusa, loko n'widrivalela vhanu a swidoho swavu, Tatana wenu wa le Tilweni atan'widrivalela na n'wine.

Lavisani a tinyanyana ta tilo: atibyali, atitrhoveli, atihlengeleti ntxhumu aswintlhanteni; hi Tatana wenu wa le Tilweni atiphamelaka. N'wine an'wina lisima ngopfu kutlula a tinyanyana ke?

N'wingatihlengeleteleni nhlengwe lani misaveni, lomu a tinsumba ni kukura swihoneka, ni lomu a vayivi vanhingenaka vayiva; kambe tihlengeletelani a nhlengwe atilweni, lomu a tinsumba ni kukura swingahonikiki, ni lomu a vayivi vanganhingenikiki vayiva. Hikusa lomu a nhlengwe yaku yinga kone, hi laha a mbilu yaku yinga kone.

Angakone lweyi angakotaka kutirela a tihosi tibiri; hikusa kumbe atavenga yin'we arandra yin'wana, kumbe atanamarela yin'we adrela yin'wana. An'winakuswikota a kutirela Xikwembu Nkulukumba ni mali.

Ke loko Xikwembu Nkulukumba ayambexisa xileswi a byanyi bya nhova, lebyi byinga kone namuhla na mundruku byitahisiwa, xana angaka angan'wiyambexi ngopfu n'wine, swipfumelinyana?

Kambe wene, loko unyika xinyiko, a voko draku dra ximantrhi dringavitiva leswi swiyentxiwaka hi dra xinene; akuva a kunyika kwaku kuyentxiwa axihundleni; kutani a Tatana waku lweyi akuvonaka axihundleni, atakunyika a hakelo draku.

Tivonelani, leswaku n'wingatxhuki n'wiyentxa kululama kwenu amahlweni ka vhanu, akuva n'witavoniwa hi vone; loko n'wiyentxisa xileswo, n'wingaka n'wingakumi a hakelo ku Tatana wenu lweyi anga Matilweni.

Loko n'wititrona, n'wingavi fana ni va mandrendre lava vatiwonyanisaka mimombo; hikusa vatimphumisa liso, akuva switavoneka avhanwini leswaku vatitrona. Nihlayelamfuri, nili ku n'wine: vakuma a hakelo dravu. Kambe wene, loko utitrona, tola mafura anhlokweni, uhlamba ni liso, swingativoneka avhanwini leswaku watitrona, kambe switavoniwa hi Tatana waku lweyi anga xihundleni. Kutani Tatana waku lweyi avonaka axihundleni, atakunyika a hakelo draku.