Popular Bible Verses from Yohanes 14

Share

Ḏuanga i'a Ngoi 'Ari dame Ta sisoi'i tala ra ngini. Dame gena-ge ga'a Ngoi to pula'a ra ngini 'i ma tero ua reo ngowa-ngowa'a ga'a toma dungia nena-ne 'aḏi pula'a ra ngini. Awa ni mojongo re awa ninga 'akala re sinyingara 'i kangela.

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yesus 'o kanau moju, “Awa ngini ninga 'akala re sinyingara 'i kangela. Ni ngaku tau-taunu Ma Jou'ongu Madutu re ni ngaku Ngoi tau-taunu ḏi'i.

Mada'a Ri-riono, Ma Ngagara 'Ofi-'Ofi ga'a Ma Jou'ongu Madutu ḏuanga i'a 'o 'utusu Rai kuasa, Enanga gena-ge ḏuanga i'a 'I doto'o ngini re 'I si'elingi ngini 'oru ḇato ga'a Ngoi to siajele pasala ḏua ra ngini.

'A guna ḇato 'o dawongo 'Ari parenta re 'a mete'e, unanga gena-ge 'o dadalara Ngoi. Re 'Ari Ḇaḇa ḏuanga i'a 'O dadalara unanga gena-ge ga'a 'o dadalara Ngoi, re Ngoi ḏi'i to dadalara unanga re Ngoi masiretene to masijumu ra unanga gena-ge.”

Ngoi ḏuanga i'a to golo'o Tari Ḇaḇa re Unanga ḏuanga i'a 'O pula'a ra ngini Ri-riono ma lelegu, ga'a ḏuanga i'a 'i mamete'e ra ngini kasingado-ngadolo i'a. Ri-riono gena-ge Ma Ngagara 'Ofi-'Ofi ra Ma Jou'ongu Madutu tala. Enanga gena-ge 'i siajele mangale ba-banari ra Ma Jou'ongu Madutu tala. Ngowa'a toma dungia nena-ne 'aḏi dawongo Enanga ua, sababu ananga gena-ge 'aḏi oḏi'i ua re 'aḏi nana'o Enanga ua. Mada'a ngini ni nana'o Enanga gena-ge, sababu Enanga 'i mamete'e ra ngini re ḏuanga i'a 'I marimoi ra ngini.

Re 'oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a di'a ngini, la Ngoi to sigasa puji re silamo'o Tari Ḇaḇa. 'Oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a ra ngini.”

“Na'o ngini ni dadalara Ngoi, ngini ni mete'e Ngoi 'ari parenta.

Tari Ḇaḇa 'ai wala 'age kamara ma repe. Ngoi ḏuanga i'a to tagi di'a ta sidodahe ngini ninga kamara-kamara. Ngoi to kanau ra ngini so'o gena sababu mode-mode'e 'age rema kamara-kamara gena-ge di'a ngini.

Ngoi ḏuanga i'a to tagi to sidodahe kamara di'a ngini. Sababu gena-ge, Ngoi dadunu to sapolo moju di'a Tini gasa Tari ngi'i, la le'a Ngoi gena, ngini gena ḏi'i.

Ḏua 'a Tomas 'o kanau ra Yesus, “Ma Jou, ngomi ma waro ua no tagi le'a. Dadi sa'olo ngomi ma waro enanga ma ngo'omo?!”