Popular Bible Verses from Yohanes 17

Share

No pake 'Ani demo ga'a 'i banari di'a siwola i'a ananga toma ngowa'a dungia nena-ne, sa'olo 'Ani ngowa'a 'ofi-'ofi.

'Ahu kasingado-ngadolo i'a ma ngale so'o ne: Ngowa'a 'aḏi nana'o 'Ari Ḇaḇa, 'aḏi nana'o Ngoi ḏi'i. 'Ari Ḇaḇa pa'i matengo ḇato ga'a Ma Jou'ongu Madutu mode-mode'e; re Ngoi, Yesus Kristus ga'a 'Ari Ḇaḇa Ri 'utusu.

“Ngoi to manyiata pa'i 'Ari me-mete'e nena-ne ḇato ua, mada'a di'a ngowa-ngowa'a ḏi'i ga'a ḏuanga i'a 'aḏi ngaku Ngoi sababu ananga nena-ne manga habari. Ngoi to golo'o ra Baba mangale ananga mo-moini gena-ge 'aḏi marimoi ma tero Baba marimoi ra Ngoi, re Ngoi to marimoi ra Baba. Na'o nyengara gari'a ananga 'aḏi marimoi ra Ngene, la ngowa'a toma dungia nena-ne ananga ḏuanga i'a 'aḏi ngaku mangale Baba reno 'utusu Ngoi.

Ngoi to golo'o ua Baba no 'oro ananga toma dungia nena-ne, mada'a Baba no saolo ananga toma 'Iblisi ma kuasa.

Ngoi nena-ne Ta'u pula'a ḏua 'Ani mulia ra ananga ga'a Baba reno pula'a ra Ngoi, la ananga 'aḏi marimoi, ma tero Ngene wo marimoi. Ngoi to marimoi ra ananga re Baba no marimoi ra Ngoi, la ananga mode-mode'e 'aḏi marimoi. Ḏua ngowa'a toma dungia ḏuanga i'a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.