Popular Bible Verses from Yohanes 19

Share

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

Gena ḏua, Yesus ra waro mangale mo-moini gena-ge 'i ḏu-ḏuanga ḏua re la mo-moini 'oru ga'a 'i silefo ḏua toma Boku 'Ofi-'Ofi ri sitotomo, Unanga 'o kanau, “Ngoi 'Ari camala dudungu.”

Wakutu Yesus 'o oḏi'i 'Ai ngina re 'Ai me-mete'e ga'a Unanga ya'u dadalara, ananga gena-ge 'aḏi made-de'oso toma ngi'i gena-ge, Unanga 'o kanau i'a Tai ngina, “Ngina, nena-ne 'ani ngowa'a nau'u.” Re Yesus 'o kanau i'a Tai me-mete'e matengo, “Munanga nena-ne ngana 'ani ngina.” Dadi mulaingi nange-ne re si'a Yesus 'ai me-mete'e matengo gena-ge 'o dawongo Yesus 'ai ngina tai wala.

Wakutu ananga 'aḏi ngadolo ra Yesus, 'aḏi oḏi'i Yesus ro sengene, dadi ya rapo'o 'Ai unisi ma obongo riwara. Mada'a sordado matengo 'a ruju Yesus 'ai gagoro reo kalawi singadolo Yesus 'ai ngaunu 'i 'uisi capuru reo ḇanyo.

Enanga 'i dadi, la 'oru ga'a 'i silefo pasala ḏua toma Boku 'Ofi-'Ofi ma dara 'i sitotomo: “ 'Ai obongo ngai moi mai ua 'i rapo'o.” Toma Boku 'Ofi-'Ofi ma dara 'i silefo pasala ḏua ḏi'i so'o ne: “Ananga ḏuanga i'a 'aḏi tatamo ie Unanga ga'a ananga raḏi siruju reo kalawi.”

Yesus masiretene 'a doiti 'Ai salib tagi toma ngi'i ga'a si'aro'o, “Ḏoḏowi ma Ngi'i” (toma demo 'Ibrani: Golgota).

Re sordado gena-ge 'aḏi 'a'a lastari reo ate ma umanga ga'a dodowo'o, kara ya sigare ra Yesus 'ai sae'e. Gena ḏua, ananga 'U sipake juba ungu.