Popular Bible Verses from YAHYA 3

Share

Séngaq beléq gati kasih Allah tipaq manusie léq dunie niki, jangke Ie ngicanin Bije-Ne saq nunggal, adéq sebilang dengan saq percaye léq Ie ndéqne binase, laguq mauq idup sejati dait kekel.

Séngaq Allah ngutus Bije-Ne nénten jari hakimin dunie niki, laguq adéq langan Ie, dunie niki teselametang.

Jawab Deside Isa, “Tiang badaq side: Setetune ndéq araq sopoq manusie saq bau serioq Kerajaan Allah lamun ie ndéq tebijeang malik.”

Dengan saq percaye léq Ie ndéq gen tehukum. Laguq dengan saq ndéq percaye sampun tehukum siq Allah, séngaq ie ndéq percaye léq dalem peséngan Bije Nunggal saq asalne léman Allah.

Hukuman nike: Cahaye nike sampun rauh ojok dunie, laguq manusie demenan peteng ketimbang menah, séngaq perbuatan-perbuatan ie pade jahat.

Ie harus sayan beléq, laguq tiang harus sayan kodéq.”

Sebilang dengan saq gawéq jahat, meriq léq cahaye; ie ndéq mélé dateng léq cahaye nike, adéq perbuatanne saq jahat ndéq penggitan.

Dengan saq percaye léq Bije nike gen mauq idup sejati dait kekel. Laguq dengan saq ndéq taat léq Bije nike ndéqne mauq idup. Ie tehukum siq Allah selaéq-laéqne.

Pade maraq Musa saq taékang ulah tembage léq sopoq kayuq léq padang gurun, maraq nike éndah Bije Manusie harus tetaékang

Bapa ngasihin Bije, dait sampun nyerahang selapuq kuase léq Ie.