Popular Bible Verses from YOHANES 1

Share

Kaiso piạbe lai taumata kụ němpěnarimạ i Sie ringangu nangimang si Sie; i sire nionggotangʼE hakẹ̌ makoạ anạ u Ruata

Su tětạ-tětạ e kal᷊imonan dunia e niriadi, Hengetang e seng ene. Hengetang e kai ringangu Ruata, kụ Hengetang e mẹ̌sul᷊ung dingangu Ruata.

Tualagẹ̌ e sụsarang su kararěndung, dingangu kararěndung e tawe makawatạ e.

Hengetang e seng nariadi taumata, kụ nẹ̌tanạ sutal᷊oarang kitẹ, dingangu i kitẹ seng nakasahidi kawawantugʼE. Kawawantugẹ̌ ene seng nitarimạʼE tabidạu Ahusʼi Amang mang sěmbaụ. Wọʼi Sie i kitẹ makasilo Ruata ringangu kakěndagʼE si kitẹ.

Kěbị e niriadi wọʼi Sie, ringangu wọu kěbị apang seng ene, tawẹu sarang sěmbaụ niriadi tạ i Sie. Hengetang e kai simbul᷊u pẹ̌bawiahẹ̌, dingangu pẹ̌bawiahẹ̌ e měgẹ̌gěllịu tualagẹ̌ su taumata.

Su sěngkariọěllone, i Yohanes nakasilọe Mawu Yesus dụděnta su anune. Tangu i Yohanes nẹ̌bera, ”Kakělla ěndaị, Ahusʼu Domban Duata nangěmmụ dosan dunia e.

Hengetang ene su dunia, dunia e niriadi wọʼi Sie, kaiso dunia e tawe makakiral᷊a. I Sie riměnta su soanʼE sẹ̌sane, kaiso taumatanʼE tawe něnarimạ i Sie.

Tualagẹ̌ tutune makạtualagẹ̌ kěbị taumata e, riměnta su dunia.

Toratʼu Mawu e kai nitarimạ i kitẹ bọu i Musa. Arawe kakěndagẹ̌ dingangu kasasatian Duata e nilahẹ si Yesus Kristus.