Popular Bible Verses from LUKAS 19

Share

Ahusʼu Taumata ruměnta mědeạ dingangu mapakasal᷊amatu apang něngkapal᷊idẹ̌.”

I sire němpẹ̌bera maihạ, ”Al᷊amatẹ̌ kawuạko su Ratu kụ kạděntane su ral᷊ungu areng u Mawu! Pẹ̌darame su sorga dingangu apakaraloko Mawu Ruata!”

Mase angkuěng i Yesus, ”Su sahěllo ini i kau ringangu kal᷊awọu ral᷊ohon bal᷊enu masal᷊amatẹ̌ dingangu ghěllikangu pẹ̌bawiahẹ̌ buhu, batụu mang i kau lai hiten Abraham.

Sarạeng i Yesus nahumpạ su kalu ene, i Sie rimal᷊ingara mase nẹ̌bera, ”Zakheus lighạko ěnaẹ dělusẹ̌! U Iạ e kai mapulu mawunạ su wal᷊enu sahěllo ini.” I Zakheus měngkatewe masahawụ-sahawụ dimělusẹ̌ dingangu nanarimạ si Yesus napenẹ u ral᷊uasẹ̌.

Bọu e su wal᷊ene, i Zakheus dimarisị dingangu nẹ̌berạ e si Yesus, ”Mawu, sěmbahạgeang bọu arětạku, takụ ionggọ su taumata kasiang; dingangu balạe i sai wọu takụ kinaakal᷊eng, sarung takụ baehang kapia si sie ěpạ u sul᷊e!”

Pirang katau tau Farisi wọu tal᷊oaran taumata l᷊awọ e němpẹ̌bera si Yesus, ”Tuang Guru, pẹ̌beraiko manga muritʼi Tuang apakarěmasẹ̌.” Mawu Yesus simimbang, ”Pangimangke! Kereu i sire marěmasẹ̌ ute manga watu ini sarung měmpẹ̌gio.”