Popular Bible Verses from LUKAS 3

Share

Tangu sarangke taumata kěbị e seng nisahani, i Yesus nisahani l᷊ai. Kụ piạ e i Sie kapẹ̌kẹ̌kal᷊iomanenge, tangu langị e nahěngẹ, kụ Rohkẹ̌ u Ruata e nẹ̌těngkatěntung si Sie kere manụ paluma su pusige. Bọu ene kinaringihe tingihʼu Mawu Ruata e něhengetang, ”I Kau e kai Ahusẹ̌-Ku ikẹ̌kěndagẹ̌ e. I Kau e makạl᷊uasẹ̌ naung-Ku e.”

Kai ual᷊ingu ene hakịu i Yohanes nẹ̌bera si sire kěbị, ”Iạ e měnẹ̌nahani si kamene e ringangu akẹ, kai hědowen sarung duměnta Taumata něngalembong kasěllahe wọu iạ e. Kal᷊ingung měluka tal᷊ing sapatune e, iạ e mal᷊aing tawe wotonge. I Sie sarung měnahani si kamene ringangu Rohkẹ̌ u Ruata e dingangu putung.

Todẹ̌ko su kakanoạ i kamene u i kamene kai seng němpẹ̌tobatẹ̌ bọu kal᷊awọu rosang kamene! Kụ kumbahang měnětạ mẹ̌bera u i Abraham e kai i upung i kamene. Pẹ̌tahěndung: Bọu manga watu tamai ini e Mawu Kasěllaheng e mal᷊aing makakoạ pal᷊ahiteng Abraham!

Bal᷊iung e seng kạdariahi waugu i panuwang kalu sarang manga hamụ e. Tangu apạeweng kalu ta mẹ̌bawuam buane mapia e, sarung tuwangeng kụ iwahung su ral᷊ungu putung.”

Ene, kerẹewe mạbawohẹ su ral᷊ungu bukẹ̌ u Nabi Yesaya: ”Piạ e tingihʼu tau mạmohang su wanua l᷊inggi, ’Diahiko raral᷊engangu Mawu e, pakatateneko daral᷊engang i Sie. Apang pingkạ e ambunge, apam bul᷊ude ringangu wongkone e sapo. Apang dal᷊eng kalelọ e tul᷊ide, ringangu apang dal᷊eng matatahigagul᷊ẹ̌ e harusẹ̌be tene. Patikụ taumata su dunia e sarung makasilo sal᷊amatʼu Mawu Ruata e!’ ”