Popular Bible Verses from LUKAS 9

Share

Bọu e i Yesus něhengetang su kěbị taumata apang ene sene, ”I sai mapulu tumol᷊e Siạ ute harusẹ̌ mẹ̌timbul᷊eng kapulum batangenge manapuạ kuruise apang kal᷊aěllo kụ měngkatewe tol᷊e Siạ.

U i sai mapulu mẹ̌tatahangu pẹ̌bawiahe ute sarung kailangeng u pẹ̌bawiahe. Arawe i sai manarakang u pẹ̌bawiahe waugʼu Iạ e, ute sarung ipakasal᷊amatẹ̌.

Yesus něhengetang su tau ene, ”Kụ seng nanětạ němungkalang ěntana e, mase mẹ̌bihu sol᷊ong l᷊ikude, ute tawe hinone makoạ komol᷊angu umatʼu Mawu Ruata.”

Apa wue gunane su sěngkatau managhuang kạguwạu dunia ini, kutẹu i sie makagholang dingangu kailangengu pẹ̌bawiahe?

Kereu i sai mạmea mangakung Iạ dingangu těntiro-Ku ute Ahusʼu Taumata sarung lai mamea mangakun sie su tempong i Sie sarung duměnta ringangu kawasanʼE, kụ dingangu kawasang i Amang dingangkewelain kawasan manga malạekatẹ̌ masusi e!

I Yesus simimbang, ”Dal᷊ugẹ̌ e piạ liange ringangu manụ u kinoaěng e piạ pangangěllungange, arawe Ahusʼu Taumata ute tawẹ u pangirul᷊umang u těmbọ e.”

Mase i Sie něhengetang su manga muritʼE, ”I sai manarimạ u rariọ ini ual᷊ing u Iạ e mangal᷊ene ute měnarimạ u Iạ. Kụ i sai měnarimạ u Iạ e, ute měnarimạ i Sie kụ něndolohʼu Iạ e. Batụu i saing kakạdọdokang e su tal᷊oarang kamene e, i sie kai kạguwakenge!”